呢張全家福我相信對我老爺奶奶嚟講真係無價寶
對上一次全家福係我同強哥結婚之日
剛...

呢張全家福我相信對我老爺奶奶嚟講真係無價寶
對上一次全家福係我同強哥結婚之日
剛剛係8年前嘅聽日（係呀 聽日係我地結婚八周年）
但果幅都已經唔岩用好耐啦
因為Yougo Igo同另一個堂哥當時都未出世
所以咁多年嚟我地都無一張全家福
咁多年都無試過齊人聚首
好難得 真係好難得八年後終於齊人
我知道老爺奶奶都好想正式搵個攝影師影輯家庭照
但礙於二哥一直都無答實會出現
佢真係last min先出現
雖然只係嚟左幾個鐘 但老爺奶奶同強哥都好開心
二哥肯駕兩個鐘車嚟一嚟
二哥同強哥最好感情 同另外兩個哥就好少聯絡
睇住強哥呢幾日都不停message佢二哥叫佢嚟啦嚟啦
我真心好驚佢最終唔出現
會令兩個老人家同強哥好失望
所以佢嚟左果下 我都撲去攬一攬佢☺️

每個家庭都有佢嘅關係複雜圖
兄弟姊妹永遠都係最親密同時又係最陌生嘅人
今生有緣做屋企人真係好難得
望住呢幅相嘅我心裡都會有呢種好奇怪嘅感覺
佢哋唔只個個紅鬚綠眼 仲真係有好幾個只係見左幾次
但佢哋的確係我嘅家人
呢件事係好奇怪的
但我仲會想我同佢哋每個彼此之間一定好有緣
先會成就家人呢兩個字
希望佢哋都會珍惜我呢個亞洲家人
因為無我 佢哋係唔會有呢張大合照架🤪
係我提出影張大合照啦同埋有腳架係身
佢哋好似無咩意識要影相咁
而我知道老爺奶奶真係好想有張全家福
希望老人家開心 大家都開心 ❤️

我果邊家人成日影相
呢邊好日都無張相
文化大差異😆

---